Марий Элыште эше кок еҥлан у вирус пижын

Коронавирус шотышто оперативный штабын увертарымыж почеш, Марий Элыште эше кок еҥлан у вирус пижын. Тыге, черланыше еҥ нылытыш шуын. У черланыше- влак мужыр пелаш улыт. Иктыже ондак черланыше еҥ дене кылым кучен.  Черым пеҥгыдемдыме жаплан нуно коктынат Йошкар-Оласе эмлыме верыште лийыныт. Нунын тазалыкышт кокла нелытанлан шотлалтеш, шӱлаш полшышо аппарат ок кучылталт. Эмлымаш умбакыже шуйна. Республикым вуйлатыше палемден: черланыше- влакын тазалыкышт кугу лӱдыкшым ок лук. Стационарыште кӱлеш семын эмлалтыт. Тазалыкышт нерген специалист- влак увертарен шогат. Ондак черланыше кок еҥын тазалыкышт тӧрланаш тӱҥалын, эмлыме вер гыч лекташ ямдылалтыт. Икымше апрель 16 шагатлан шотлымаште медицина эскерымаште тӱжемат 83 еҥ улыт. Тушечын 43 еҥже- йотэлын гражданинже. Эскерымаш гыч 625 еҥым кораҥдыме, 10-жо йотелын еҥже.