Кугыжаныш Дума эмым онлайн йӧн дене ужалаш разрешенийым пуэн

Кугыжаныш Дума эмым онлайн йӧн дене ужалаш разрешенийым пуэн. Тудо пленарный заседанийыште кокымшо да кумшо лудмаште вигак эмым да медицина препаратым дистанций гыч ужалыме шотышто законопроектым пеҥгыдемден. Кызытсе жапыште чер шарлен кертме лӱдыкшӧ улмо годым, правительстве рецепт почеш колтымо эмымат тора гыч ужалыме жаплан ыштыме радамым пеҥгыдемден кертеш. Правительство тыгай права дене тений идалык мучаш марте пайдалана. Но у йӧн наркотикан, пеҥгыде психотропный эмым да 25 процент деч шукырак этил спирт улман эмым ужалаш правам ок пу. Кугыжаныш Думын спикерже Вячеслав Володин каласен: у нормо коронавирус шарлыме годым калыклан полшаш манын пурталтеш. Поснак самоизоляций годым тиде йӧн кӱлешан. Хронический черан еҥ, пенсионер- влаклан мӧҥгӧ гыч лекде, эмым налаш йӧным пуа. Эмым онлайн йӧн дене фармаций пашалан лицензиян да федерал кучем орган деч налме разрешениян аптеке- влак гына ужален кертыт.