Козьмодемьянскысе у очистной сооруженийлаште технический оборудованийым монтироватлат
Козьмодемьянск оласе очистной сооруженийлаште технический оборудованийым монтироватлат. Чоҥалтше сооруженийлашке оборудованийым августыштак кондаш тӱҥалме. Нуным Германийыште, Словакийыште, Чехийыште ыштен луктыт. Кызыт у сепараторым, трубопроводым, насосым вераҥдат. Монтажым чын ыштымым да чӱктымым йот элласе инженер- влак терген шогат, видеокыл йӧн дене умылтарымашым пуат. Тыгак диспетчер пӧлемлан ойырымо верыштат олмыктымо паша кая. Тушто тора гыч тергыме системым вераҥдат. Очистной сооруженийым пужен ыштыме сомыл «Юл эҥерым тазаҥдымаш» федерал проект почеш шукталтеш.