Ик кечын кок тӱрлӧ сферыште тыршыше- влак пайремленыт
Теҥгече воспитатель да школ деч ончыч туныктышо пашаеҥ- влак шке профессионал пайремыштым палемденыт. Нуным да ветеран- влакым пайремышт дене Республикым вуйлатыше Александр Евстифеев саламлен. Марий Элыште 224 муниципал, ведомствын да кугыжаныш огыл йоча сад пашам ышта. Тушто 33 тӱжем икшыве шуаралтеш. Кызыт эше ныл йоча сад чоҥалтеш, идалык мучаш марте кумытым чоҥаш тӱҥалыт. Чылалан пиалым, тазалыкым, профессионал сеҥымашым тыланем,- ойлалтеш республикым вуйлатышын саламлымашыштыже.
Теҥгече тыгак Машиностроительын кечыже палемдалте. Машиностроитель отрасльыште кызыт тыршыше да тудын ветеранже- влакым профессионал пайремышт дене Марий Элым вуйлатыше Александр Евстифеев саламлен. Машиностроений элын экономикыжым вияҥдаш промышленный куатын ӱшанле негызше улеш. Кызыт предприятий- влак ончылно кугыжаныш заказым шуктымо, производствым кугемдыме да таҥасен кертше лийме шотышто кугу задаче шога. Республикыште тӱжем дене пашаеҥын тыршен ыштымыштлан кӧра машиностроентй отрасль чолган вияҥеш, промышленный кластер ышталтеш. Республикын промышленностьшым вияҥдымашке пыштыме надырлан, кеч-могай неле пашам чаткан ыштен моштымылан кугу тау. Чылалан тазалыкым, улан илышым, пиалым у паша сеҥымаш-влакым тыланем,- возымо республикым вуйлатышын саламлымашыштыже.
Республикысе машиностроений нерген уверым Маристат ямдылен. Машиностроений тиде автомобильым ыштен лукмаш гына огыл. Станок, оборудований, ядерный реактор, космический корабль, оборона комплекс, авиаций, энергетике- чыла тиде машиностроенийын компетенцийышкыже пуа. Тиддеч посна эше приборостроенийым, электротехникым, электроникым, быт машинам да эсогыл сура да калай ӱзгарым, фурнитурым ыштен лукмашымат машиностроений деке ушат. Марий Элыште икымше сентябрьлан 11 тӱжемат 418 машиностроений предприятий шотлалтын. Тушечын тӱжемат 296-шо кугу предприятий, 798-ыже изи да 737-ше микропредприятий улыт. Эн кугу- влак коклаште Марий машиностроений, полупроводник прбор- влак, «Контакт», «Ариада», «Тиара» завод- влак улыт. Нуно 30 тӱжем наре еҥлан пашаверым ситарат. Тидыже республикысе пашам ыштыше еҥын 16 процентше наре лиеш.
Теҥгече тыгак Машиностроительын кечыже палемдалте. Машиностроитель отрасльыште кызыт тыршыше да тудын ветеранже- влакым профессионал пайремышт дене Марий Элым вуйлатыше Александр Евстифеев саламлен. Машиностроений элын экономикыжым вияҥдаш промышленный куатын ӱшанле негызше улеш. Кызыт предприятий- влак ончылно кугыжаныш заказым шуктымо, производствым кугемдыме да таҥасен кертше лийме шотышто кугу задаче шога. Республикыште тӱжем дене пашаеҥын тыршен ыштымыштлан кӧра машиностроентй отрасль чолган вияҥеш, промышленный кластер ышталтеш. Республикын промышленностьшым вияҥдымашке пыштыме надырлан, кеч-могай неле пашам чаткан ыштен моштымылан кугу тау. Чылалан тазалыкым, улан илышым, пиалым у паша сеҥымаш-влакым тыланем,- возымо республикым вуйлатышын саламлымашыштыже.
Республикысе машиностроений нерген уверым Маристат ямдылен. Машиностроений тиде автомобильым ыштен лукмаш гына огыл. Станок, оборудований, ядерный реактор, космический корабль, оборона комплекс, авиаций, энергетике- чыла тиде машиностроенийын компетенцийышкыже пуа. Тиддеч посна эше приборостроенийым, электротехникым, электроникым, быт машинам да эсогыл сура да калай ӱзгарым, фурнитурым ыштен лукмашымат машиностроений деке ушат. Марий Элыште икымше сентябрьлан 11 тӱжемат 418 машиностроений предприятий шотлалтын. Тушечын тӱжемат 296-шо кугу предприятий, 798-ыже изи да 737-ше микропредприятий улыт. Эн кугу- влак коклаште Марий машиностроений, полупроводник прбор- влак, «Контакт», «Ариада», «Тиара» завод- влак улыт. Нуно 30 тӱжем наре еҥлан пашаверым ситарат. Тидыже республикысе пашам ыштыше еҥын 16 процентше наре лиеш.
