Школышто тунемше- влак Российын просвещений министрже дене мутланен кертыт

Школышто тунемше- влак Российын просвещений министрже дене мутланен кертыт. Эрла Россий мучко «Точка роста» рӱдер- влакым почмо марафон лиеш. Тудым просвещений министр Сергей Кравцов эртара. Телекӱварыште 8 регионын губернаторжо, туныктышо да тунемше- влак участвоватлат. Марафонышто Медведевысе кокымшо кыдалаш школат ушна. Республикысе 15 рӱдер марафон кышкарыште лиеш. «Точка ростан» туныктышыжо- влак «Технологий», «Информатике», «ОБЖ» предметла дене кӱчык онлайн-урокым эртарат. Медведево районысо школышто «Моя Точка роста» станций дене модмаш эрта. Тушто визымше класслан 10 командыже участвоватла. 2019-ше ий годсек элысе 81 субъектыште или ола да яллаште вич тӱжем «Точка роста» рӱдерым ыштыме. Тушто ик миллионат 600 тӱжем йоча у оборудований дене тыгай рӱдерлаште шинчымашым налын.