Йошкар-Олаштат планым ончылтен корным олмыктымо паша умбакыже шуйна
Йошкар-Олаштат планым ончылтен корным олмыктымо паша умбакыже шуйна. Калыкле проект почеш пашам 2019-ше ийыште тӱҥалме. Эн ончыч Первомай, Западный, Карл Маркс уремла да Ленин проспектым олмыктымо. Тенийлан Пролетар, Комсомол, Йошкар Армий, Кремль да Келшымаш урем- влакым ачалаш палемдыме. А теве Машиностроитель уремын Йошкар Армий деч Водопроводный урем марте ужашыжым вес ийын олмыктышаш улыт ыле. Но тенияк конкурсым эртарыме, контрактым ыштыме да олмыктымо паша рӱж шукталтеш. «Автодор» предприятий контракт почеш чыла кӱлешан сомылым шукта, тротуарым, транспорт чарныме верым, парковкымат ачала.
