Кугу Шокшем калык герой-землякше- влакым курымеш шарна
Шернур районышто Кугу Сар жапыште вуйым пыштыше- влакым шарныктыше мемориалым почмо. Кугу Шокшем ялыште тиде тат торжественно эртен. Тиде церемонийыште Шернур муниципал районым вуйлатыше Сергей Адиганов, Кугыжаныш Погынын депутатше Сергей Белоусов, районысо ветеран- влак советым вуйлатыше Зинаида Зорина да молат лийыныт. Мемориалым верысе калыкын тӱҥалтышыже почеш, нуно шке оксам пыштен да шке вий дене ыштеныт. Вийым да надырым пыштыше чыла еҥлан тауштен ойлымо. Тыге сарыште лийше- влак нерген шарнымаш Кугу Шокшем калыкын ушешыже курымлан кодеш.
