Икымше октябрь гыч тоштемше оборудованийым оксам тӱлыде куштыралан колташ лиеш

Икымше октябрь гыч тоштемше оборудованийым оксам тӱлыде куштыралан колташ лиеш. Шушаш ийын икымше январь гыч Россий Правительствын распоряженийже почеш электрон да электрик оборудованийын торжым мландыш урен кодаш ок лий. Республикысе пӱртӱс поянлык министерстве ден  пӱртӱсым пайдалын кучылтмо «Экофонд» вашкыл да пайдаланаш йӧрыдымо электрон оборудованийым  яра погымо да утлизироватлыме шотышто «Утилизаций школ: электроника» программым илышыш шыҥдарыме нерген соглашенийым пеҥгыдемденыт. Тыге икымше октябрь гыч тоштемше оборудованийым кугыжаныш, муниципал кучем да бюджет тӧнеж- влак яра утилизироватлен кертыт. Чарыме мероприятий гыч лекме жапыште Бизнеслан полышым пуымо шот дене  тений июль гыч коммерций организаций- влакат программыш ушнен кертыт. Нуно электрон да электрик оборудованийын куштыражым утилизироватлаш ик кубометрлан ик ырым тӱлышаш улыт. Утилизаций пӱртӱсым аралыме законодательствын нормыж дене шукталтеш да тичмаш документ пуалтеш. Фонд оборудованийлан яра экспертизым эртара да списатлаш актым пуа. Утилизацийыш компьютер, электрон, электрик, оптик, офис оборудований, быт технике, холодильник, кондиционер, станок, медицина технике, телефон, картридж да моло оборудований налалтеш. Лач «радиаций» значок дене палемдыме оборудованийым сдатлаш ок лий.