Козьмодемьянскын юнгыжо- влак парус тургымым петыреныт

Козьмодемьянскын юнгыжо- влак парус тургымым петыреныт. Тиде мероприятий кодшо шумакечын эртен. «Паллада» парус клубын юнгыжо- влак «Марий Элын йоча флотилийже» проект кышкарыште парусан швертбот да шлюпко дене коштыныт. Сай игече тидлан йӧным ыштен шоген. Вӱдышкӧ рвезе- влакын шке ыштыме «Оптимист» пуш- влакым лукмо. Нуно шкеныштым сайын ончыктеныт. Нунын дене пырля судомоделист Михаил Смирнов коштын. Вара тудо «Диана» парус корабльын модельжым чоҥымо пашажым ончыктен. Икымше октябрь гыч самырык моряк- влак  патриотизм шӱлышеш шуарыме зональный рӱдерын тунемме классыште теорийым шымлаш тӱҥалыт. Рӱдерже «Волга» бассейныште верлана. Рвезе- влак тренажёр залыште шуаралт, бассейныште ийын кертыт.