Янлыкын але вольыкын пурлмыж деч вара медицина полышым йодын тӱжемат 400 утла еҥ эмлыме верыш миен
Тений 8 тылзе жапыште янлыкын але вольыкын пурлмо, удыралме але шӱвылвӱд дене нӧртымыж деч вара медицина полышым йодын тӱжемат 400 утла еҥ эмлыме верыш миен. Нунын кокла гыч 385-ше йоча- влак Тидыже кодшо ийысе деч 18 процентлан шагалрак. Эмганыше- влакым чыла районыштат палемдыме. Эн шукыжо Йошкар-Олаште, Волжскышто, Медведево да Звенигово районлаште. Тений республикыштына ик вольыкын орымаш чер дене черланымыжым пеҥгыдемдыме. Майыште орышо рывыж Параньга районысо ялыште ик кудывечыш пурен да тудым пий пуштын. Тушто карантиным увертарыме ыле, кызыт тудым кораҥдыме. Еҥ- влак коклаште орымо черым шижтарыме пашам Роспотребнадзор виктем эре шуктен шога. Ушештарена: теҥгече орымаш чер ваштареш кучедалме Тӱнямбал кече палемдалтын.