Марий чодырам уэмдымашке надырым пыштеныт

Икмыняр кече ончыч ончыч пушеҥгым шындаш Авиалесоохранын 80 наре сотрудникше миен ыле. Нуно 8 гектар наре кумдыкеш 24 тӱжем наре изи пӱнчым шынденыт.  А шочмын Марий Эл Кугыжаныш Погын аппаратын еҥже- влак Погын вуйлатышын алмаштышыже Наталья Козлован вуйлатымыж почеш республикылан 100 ий темме лӱмеш пушеҥгым шындаш лектыныт. Законодательный органын профушемжын тӱҥалтышыже почеш нуно моло кугыжаныш кучем органын еҥышт дене пырля Куяр лесничествыш миеныт. Нуно кок гектар кумдыкеш вич тӱжем озымым вераҥденыт. Нуным пӱртӱс поянлык министр Алексей Киселёв, Юлтехын ректоржын сомылжым шуктышо Игорь Петухов поддержатленыт. Лач Юлтехын специалистше- влак пушеҥге озымым ончен- куштеныт да луктын шындыме изи пӱнчӧ- влакым умбакыжат эскераш тӱҥалыт. «Чодырам арален кодена» Российысе акций кышкарыште шыжым 30 гектареш пушеҥгым шындаш палемдыме. Шындыме верлаште мотор аншлагым пижыктат.