Екатеринбургысо «Корно-2019» специализированный выставке тений 8 тӱжем еҥым чумырен
Екатеринбургышто «Корно-2019» кум кечаш специализированный выставке эртыш. Шке сеҥымашыштым кугу коммуникаций площадкыште Российысе 50 кундем, Китай, Швейцарий да Чехий гыч 250 наре компаний ончыктен. Мыняр еҥ ушнымо шот дене тений тудо кодшо ийын Озаҥыште лийше выставкым эртен каен. Тунам 6 тӱжем еҥ ыле гын, Уралын рӱдолаже 8 тӱжем участникым да 530 экспонентым чумырен. Выставкын пашаштыже Россий правительствым вуйлатыше Дмитрий Медведев участвоватлен. Тушто Марий Элынат выставкыже лийын. Деловой программе радамыште 20 утла мероприятий лийын. Тиде- йыргешке ӱстел, семинар, дискуссий, конференций, Росавтодорын шанче- техник советшын секцийже- влакын заседанийышт эртен. Корно пашам вияҥден колтымаште у техникым, технологийым пален налаш пеш сай йӧн лийын. Эн сай разработко- влакым регионлаште кучылташ тӱналыт.
