Юбилейный посёлкысо йоча сымыктыш школыш у семӱзгар-влакым кондымо

          Юбилейный посёлкысо йоча сымыктыш школыш у семӱзгар-влакым кондымо. «Тӱвыра» калыкле проект кышкарыште республикысе йоча сымыктыш школ- влак семӱзгар дене умбакыже пойдаралтыт. Юбилейный школыш скрипкам, домрам, гитарым, пианином кондымо. Икманаш йодыш- влак комплексно виктаралтыт: сымыктыш школ- влак олмыкталтыт да тидын годымак материально- технический базышт уэмеш. Йоча да туныктышо- влаклан усталык шонымашым илышыш шыҥдараш тиде у йӧн, - палемден тӱвыра министр Константин Иванов. Кугыжаныш программе кышкарыште тыгак у мебельым, тунемме литературым, ноутбукым, мольбертым налме. А сымыктыш школышто шукертсек у семӱзгарым вученыт. Идалык мучаш марте эше ныл сымыктыш школ у семӱзгар дене пойдаралтшаш. А 2024-ше ий мучаш марте 12 школ семӱзгарым, оборудованийым, тунемме материалым налеш.
            Фото: Тувыра министерстве, архив.