Москошто марий «Пеледыш пайремым» палемденыт

                 Эртыше рушарнян Москошто марий «Пеледыш пайремым» палемденыт. Кугу пайремым Екатерининский паркыште Российысе марий- влакын федерал калыкле-тӱвыра автономийышт ямдылен. Пайремыш погынышо- влак «Морко кундем» вокальный ансамбльым, «Сото вий» ансамбльым онченыт, Марий Элын калык артистше Станислав Шакировым да Олык Ипай лӱмеш кугыжаныш премийын лауреатше Светлана Яндуковам колыштыныт. А «Марий Эл» кугыжаныш куштышо ансамбльын концертше Марий Элым вуйлатышын сомылжым шуктышо Юрий Зайцев деч пайремын унаже да Москошто илыше- влаклан кугу пӧлек лийын.
          Марий Тӱвыра рӱдерын фотожо. «Марийская правда» газет.