Йоча- влакым эмлыме йӧн саемеш

              Йошкар-Олаште икымше номеран йоча поликлиникыште капитально олмыктымо паша умбакыже шуйна. Лелия Соколова лӱмеш оласе йоча эмлыме верым капитально олмыкташ 15 миллионат 800 тӱжем теҥгем колтымо. Кызыт тушто окна ден омсам вашталтыме, лабораторийыш пурымо верым тӧрлымӧ, кумшо пачашыште чоҥымо пашам мучашлыме, кокымшо пачашын пелыжым ачалыме. Кызыт пашазе- влак канализаций ден вӱд пучым вашталтат, электромонтаж пашам шуктат. Август мучашлан план почаш поликлинике у тӱсым налшаш. Тений «Тазалыкаралтышын первичный звеножым уэмдымаш» проект почеш вич медицина тӧнежым капитально олмыкташ палемдыме. Тиде – икымше номеран йоча поликлинике, Йошкар-Оласе кугыеҥ- влакын кокымшо ден нылымше поликлинике, Волжск оласе кокымшо поликлинике да Семёновкысо врач амбулаторий. Олмыктымо пашан тичмаш акше- 80 миллион утла теҥге.
          Фото: Архив гыч.