«Таир» форум- сай инициативым да усталык тӱналтышым ыштыме площадке

           «Таир» форум- сай инициативым да усталык тӱналтышым ыштыме площадке. 26-шо июнь гыч 3-шо июль марте каныме да тазалыкым пеҥгыдемдыме «Таир» рӱдерыште самырык педагог- влак да нунын наставникыштын  регион- влак кокласе кӱкшытан 13-шо форумышт эрта. Тудо ынде 13 ий мучко социал кӱлешан проектлан шотлалтеш да туныктымо пашаште кадрым вияҥдыме, профессионал сообществым ыштыме, мастарлыкым нӧлтымӧ, самырык туныктышо-влакын социал чолгалыкыштым нӧлталме сомылым шукта. Участник- влак тӱрлӧ кундем гыч ушнат. Тений форум 41 регион гыч 280 педагогым ушен. Тудо самырык туныктышо ден нунын наставникыштын кеҥежымсе виш школышт семын эрта.
           Фото: архив.