Таче ныл шагат эрдене Йошкар-Олаште Курымашлык тул воктеке пеледыш аршашым пыштыме

            Таче ныл шагат эрдене Йошкар-Олаште Курымашлык тул воктеке пеледыш аршашым пыштыме. Погынышо- влак тӱжемат 418 кече шуйнышо осал сарыште вуйыштым пыштыше- влакым ик тат шып шоген шарналтеныт да сортам чӱктеныт. 81 ий ончыч айдеме тукымын илышыштыже ик эн шучко сар тӱҥалын. Ныл ий мучко салтак- влак тушман ваштареш кредалыныт, Тылыште улшо- влак завод ден фабрикыште тыршеныт, фронтлан мо кӱлешым чыла ситараш полшеныт. Таче 12 шагатат 15 минутлан фашизм дене кредалмаште илышым пуышо- влакым шарныме лӱмеш ик минут шып шоген шарналтымаш эртен. Лач тиде жапыште 1941-ше ийын 22-шо июньышто радио гоч нацист Германийын элышкына керылт пурымыжо нерген Совет Ушемын еҥже- влаклан увертарыме.
             Фото: Йошкар-Ола администраций.