Варвара Соханская - сымыктышын «На Олимпе» Тӱнямбал конкурс-фестивальын лауреатше

               Варвара Соханская - сымыктышын «На Олимпе» Тӱнямбал конкурс-фестивальын лауреатше. Конкурсын лектышыжым Москошто иктешлыме.  Медведевысе кумшо номеран школын кумшо классыштыже тунемше Варвара Соханская кумшо степенян лауреатын дипломжо дене палемдалтын. Призым налше видеороликын авторжо да художественный руководительже- влак – изи актрисын ача-аваже- 7-ше номеран колоний- поселенийыште служитлат. УФСИН-ын пресс-службыжын ончыктымыжо почеш,Георгий Рублёвын «Памятник» почеламутшым Варвара Сеҥымаш кечылан пӧлеклалтше лудшо- влакын школысо конкурсыштлан лудын. Ямде видеоматериалым аваже «На Олимпе» конкурсын оргкомитетышкыже колтен. Тушечынак лауреатын дипломжо толын.
          Республикысе УФСИН пресс-службын фотожо, МариМедиа.