Калымкий республикын делегацийже Марий Университетыш толын каен

          Калымкий республикын делегацийже Марий Университетыш толын каен. Делегаций радамыште Кугыжаныш Думын депутатше Бадма Башанкаев, Калмык кугыжаныш университетын ректоржо Бадма Салаев, проекторжо Баира Натырова лийыныт. Уна- влак инжиниринг рӱдерыш, фармакологий лабораторийыш, студент фитнесс – рӱдерыш, аккредитаций да симуляций рӱдерыш, шуко функциян студент рӱдерыш да Сергей Карякинын Шахмат школышкыжо миеныт. Делегаций толмо жапыште кок университет коклаште вашкыл шотышто ойпидышым кылдыме. Тудын негызеш туныктымо программе- влакым пырля ямдылаш, шанче да шымлыме пашам, тӱрлӧ мероприятийым пырля эртараш кутырен келшыме.
           МарГУ-н фотожо.