Йошкар-Олан ужашыштыже шокшо вӱдым йӧртат

            Шочмо гыч Йошкар-Олан ужашыштыже шокшо вӱдым йӧртат. Йошкар-Оласе икымше номеран ТЭЦ-ын уверже почеш, 20-шо июнь гыч олан эҥер вес велысе, рӱдӧ да вокзал кундемысе ужашыштыже шокшо вӱдым пуымым чарнат. Тыгак Карл Маркс, Советский, Панфилов, Волков, Комсомольский уремласе, Гагарин проспектысе да Ширяйково микрорайонысо пӧрт- влак шокшо вӱд деч посна кодыт. Коммунальщик- влакын умылтарымышт почеш 21-ше 22-шо июнь гыч гидравлик тергымашын кокымшо йыжыҥже тӱналеш. Энергетик- влак теплокамерын люклаже ӱмбалне транспортым шогалтен кодаш ок лий маныт, тергыме да олмыктымо пашам эртарыме годым тӱткӧ лияш йодыт. Теплосетьыште пуч шӱтлымӧ да вӱд йогымым ужыда гын вигак ТЭЦ-ыш 42-24-17 телефон дене йыҥгырташ йодыт. Олан палемдыме ужашлаштыже шокшо вӱдым 30 июньышто пуаш палемдыме.