Марий Эл ден Чуваший коклаште вашкыл нерген ойпидышым кылдыме
Марий Элым вуйлатышын сомылжым шуктышо ден Чувашийым вуйлатыше вашкыл нерген ойпидышым кылденыт. Ойпидыш вигак икмыняр корным авалта: увер коммуникаций, транспорт, промышленность, агропромышленный комплекс, ужалкалымаш ден полыш, архитектура, чоҥымаш, илыме вер да коммунал озанлык, тӱзландарымаш, тазалыкаралтыш да туныктыш паша. Юрий Зайцев ден Олег Николаев кок шӧран кылым Петербургысо тӱнямбал экономик форум кышкарыште пеҥгыдемденыт. Вуйлатыше- влак тыгак историй шарнымашым арален кодымо йодышым каҥашеныт да патриотизм мероприятий- влакым пырля эртарыме планым палемденыт. Чувашийым вуйлатыше каласен: регионышто мемориал комплекс- влак чоҥалтыт. Иктыжым почмашке Юрий Зайцевымат мияш ӱжын. Олег Николаев тыгак Марий Элым вуйлатышын сомылжым шуктышылан «Российын тӱрлымӧ картыжым» ончыктен. Тудын ик ужашыжым марий тӱрлызӧ- влак ыштеныт.
Фото: Марий Элым вуйлатышын организаций да аналитик виктемже.