Республикыштына пайрем да шарнымашан кече- влакым закон почеш пеҥгыдемдат

           Республикыштына пайрем да шарнымашан кече- влакым закон почеш пеҥгыдемдат. Марий Эл Республикын Кечыжым да Пеледыш пайремым тыге пеҥгыдемдаш темлалтеш. Законын проектшым депутат- влаклан ончаш Марий Элым вуйлатышын сомылжым шуктышо Юрий Зайцев пуэн. Документыште палемдыме: Российысе субъектлаште историй, тӱвыра, юмын йӱла дене кылдалтше пайрем- влакым шке кундемыште пеҥгыдемдыме йӱла уло. Кӱлешан историй событий да йӱла- влак деке пагалымашым вияҥдаш манын, законын проектше дене пайрем да шарнымашан кече- влакым пеҥгыдемдаш темлалтеш,- ойлалтеш законопроект пеленысе умылтарыме кагазыште . Нылымше ноябрьыште палемдыме Республикын кечыжлан Кугыжаныш пайрем кӱкшыт пуалтеш, «Пеледыш пайремлан»- официальный статус.
         Фото: «Кидшер» сайт.