Россий кечын офицерын ача-аважлан Россий Геройын шӱдыржым кучыктымо
Республикына пӱтынь Эл дене пырля Российын кечыжым кумдан палемдыш. Кундемна мучко, поснак Йошкар-Олаште, ятыр мероприятий эртаралте. Республикым вуйлатышын сомылжым шуктышо Юрий Зайцев ӱмыр лугыч лийше Дамир Шаймардановын ача-аважлан Россий Геройын Шӱдыржым кучыктен. Россий Вооруженный Вийын старший лейтенантше Дамир Шаймарданов Украниныште специальный военный операцийым эртарыме годым сарзе порысшым шуктышыла 30 апрельыште вуйжым пыштен. Эн кӱшыл Кугыжаныш наградым Йошкар-Оласе Воин Чап площадьыште кучыктымо. Марий Элым вуйлатышын сомылжым шуктышо салтакын ача-аваже Эдуард Радикович ден Ирина Викторовналан шке чаманымашыжым каласен да ешарен: эргыштын подвигше нерген уло республике палышаш. Тыгай эргым ончен- куштымылан тауштен да Российыште эн кӱшыл палым «Шӧртньӧ шӱдыр» медальым кучыктен. Церемоний Курымашлык тул деке пеледыш аршашым пыштыме да военнослужащий- влакын рыҥ таҥошкыл эртымаш дене мучашлалтын.
Фото: Марий Элым вуйлатышын организаций да аналитик виктемже.