ЕГЭ-ште шӱдӧ баллым погышо- влак рашемыныт

            ЕГЭ-м эртарыме тӱҥ жапыште лийше икымше экзамен- влакын лектышышт да шӱдӧ баллым погышо- влак рашемыныт. Тений ЕГЭ федерал кугыжаныш стандарт почеш эртаралтеш. ФГОС шинчымашым налмаште у йӧн- влакым пеҥгыдемден. Тудо фактым, датым, формулым, теорий шинчымашым гына огыл йодеш, нуным илышыште кучылт моштымымат терга. Тений географий, химий, литература дене шинчымашым тергыше- влак вузыш тунемаш пураш ситыше лектышым ончыктеныт. Химий дене ЕГЭ-м 26-шо майыште 347 выпускник кучен. Нунын кокла гыч кажне нылымше ӱдыр-рвезе 81 гыч 100 бал марте поген. Нылытше 100 баллым поген ситарен. Литература ден 93 выпускник гыч ныл еҥын баллже 81 гыч 100 марте географий дене 52 еҥ гыч кумытшын 81 гыч 100 марте балл лийын, иктыжын 100 баллыш шуын. Экзаменын тӱҥ жапше умбакыже шуйна.