Курыкышто куржталмаш дене Республикын Чемпионат ден Первенствыже эртеныт

            Марий Элыште курыкышто ӱлыкӧ да кӱшкӧ куржталмаш дене Республикын Чемпионат ден Первенствыже эртеныт. Таҥасымаш Волжский районысо Ӱлыл Азъялыште лийын. Сеҥыше- влакым ийгот шот дене икмыняр категорийыште палемденыт. Первенствыште сеҥышыш рвезе- влак коклаште Антон Тимофеев, ӱдыр- влак коклаште Ксения Романова лектыныт. Юниор коклаште Дмитрий Зуев, юниорка кокла гыч Анжела Александрова ончылно лийыныт. Республикын Чемпионжо лӱмым пӧръеҥ- влак кокла гыч Сергей Семёнов, ӱдырамаш кокла гыч Зинаида Якимова налыныт. Тиддеч посна курыкышто куржталмаш дене ветеран- влак коклаштат Республикысе таҥасымашлан стартым пуымо.
            Фото: «Марий Элыште спорт» группо гыч. «Йошкар-Ола» газет.