«Эн сай врач акушер-гинеколог. Эн сай акушерка» конкурсым иктешлыме

            «Эн сай врач акушер-гинеколог. Эн сай акушерка» конкурсым иктешлыме. Тудым «Перинатал рӱдерыште» страховой компанийын республикысе филиалже эртарен. Медперсоналын пашажлан акым апрельыште тылзе мучко пациент- влак пуэныт. Йӱклашлан урным поликлиникыште да перинатал рӱдерын пӧлкалаштыже вераҥдыме улмаш. Чылаже 487 йӱк пурен, кудытшым интернет гоч пуымо. Йӱклымаш почеш призан вер- влак тыге радамлалтыныт: «Эн сай акушер- гинеколог врач» номинацийыште консультативно-диагностик поликлиникын еҥышт ойыртемалтыныт. Икымше верым 46 йӱк дене Татьяна Айглова, кокымшым 37 анкете ден поликлиникым вуйлатыше Наталья Романова, кумышым 35 йӱк дене Наталья Яковлева налыныт. «Эн сай акушерка» номинацийыште икымше верыш Наталья Дербенёва (45 анкете), кокымшыш 42 йӱк дене Татьяна Мусина, кумшыш (28 анкете дене) Татьяна Григорьева лектыныт.
            Фото: Тазалыкаралтыш министерстве.