Россий Президентын полномочный представительже Игорь Комаров видеоконференций йӧн дене калыклан приёмым эртарен

              Юл кундем федерал округышто Россий Президентын полномочный представительже Игорь Комаров видеоконференций йӧн дене калыклан приёмым эртарен. Тушто Башкортостан, Марий Эл, Пермь край да Киров, Угарман, Саратов областьла гыч еҥ- влакын обращенийыштым ончен лектын. Мероприятийыште регионлам вуйлатыше да федерал инспектор- влак участвоватленыт. Россий Президентын мер- приёмныйышкыжо йодышым колтышо коклаште Марий Эл гычат ӱдырамаш лийын. Тудо тулык йоча да ача-аван полышыжо деч посна кодшо йочалан илыме верым пуымо дене кылдалтше йодышым пуэн. Илыме верым тамарте пуымо огыл. Юрий Зайцев илыме пӧрт 99 процентлан ямде. Лишыл жапыште тудым сдатлаш тӱҥалыт манын вашмутым пуэн. Пачерым июнь мучашыште пуышаш улыт. Полномочный представитель  икымше июль марте илыме верым пуаш кӱштен да тӱҥ федерал инспектор- влалкан чыла йодышым контрольыш налаш кӱштен.
           Таче Семёновка селаште тулык йоча- влаклан 120 пачеран пӧртым эксплуатацийыш пуэныт. Лач тиде пӧрт нерген Юрий Зайцев полномочный представитель Игорь Комаров дене приёмышто ойлен ыле. Йодышым колтышо Елена Владимировна Албахтина тиде пӧртыштӧ пачерлан документым июнь мучаш марте налеш,- увертарен Юрий Зайцев.
           Полномочный представитель пресс-службын фотожо.