Агропромышленный комплекслан полшаш 345 миллион теҥгем ойырымо
Марий Элысе агропромышленный комплекслан полшаш 345 миллион теҥгем кусарыме. Ял озанлык да кочкыш сату министр Андрей Кондратенко арня еда эртарыме оперативный совещанийыште шошо-ага пашам мучашлыме нерген ойлен. Икияшым тений 137 тӱжем гектареш ӱдымӧ. Нунын кокла гыч шӱдӧ тӱжем гектаржым пырчан, пырчан да отызан культура айла, техничсекий кульутра 13 тӱжем гектареш, кормалык культурым 27 тӱжем гекатареш вераҥдыме. Пареҥгым да саскам умбакыже шындат, кормам шапашлыше техникым ямдылат. АПК-лан полшаш 345 миллион теҥгем ойырымо. Изи озанлык- влаклан кугыжаныш велым 56 миллион теҥгем пуымо. Республикым вуйлатышын сомылжым шуктышо пасу пашан кузе кайымыжым, кормам шапашлаш техникын ямде улмыжым, кугыжаныш полышым жапыштыже пуымым терген шогаш кӱштен.