Юмылан ӱшаныше- влак ик тылзе наре ыресым нумалын ошкыл эртат

             Юмылан ӱшаныше- влак Юмынаван Владимирысе юмоҥажым кучен Курык марий, Юрино да Килемар районын ужашыже мучко 7-ше июнь гыч 5-ше июль марте ыресым нумалын ошкыл эртат. Тиде крестный ход кугу историян. Икымше гана тудо Козьмодемьянск ола йыр 17-ше курымын кыдалныже  1654-ше ийыште эртен. Официально тудым  1719-ше ийыште пеҥгыдемдыме. Совет кучем жапыште изи юмоҥа дене шолып эртареныт. 2000-ше ий гыч митрополит Иоаннын сугыньлымыжо деч вара Курык марий ден Юрино районысо чыла приходыш пурен лектеш. Ырес дене ошкылмаш Владимирский села гыч 7-ше июньышто лектеш, 7-9-ше июньышто Усолаште лиеш, вара Кузнецовыш мия, умбакыже палемдыме график почеш кая. Козьмодемьянскысе Шнуй- Тройчын черкыште 4-5-ше июльышто мучашлалтеш.
          Фото: Йошкар-Ола епархийын сайтше.