Йошкар-Оласе йоча- влак кеҥежым чолган, веселан да пайда дене эртарат

            Йошкар-Оласе йоча- влак кеҥежым чолган, веселан да пайда дене эртарат. Рӱдӧ олаштына «Пырля! Кеҥежым! Уло кудывече дене пырля!» оласе проект тӱналын. Тудын кышкарыште йоча- влак ешартыш шинчымашым пуышо туныктышо- влак дене пырля шке кудывечыштышт каникул мучко шуаралт кертыт. Мутлан, Рӱдӧ паркын коллективше Строитель, Свердлов, Лидер, Гастелло ТОС-лаште «Блогер-путешественник» театрализованный представленийым эртарен. Тушто йоча- влаклан кеҥежым кузе шкем лӱдыкшӧ деч посна кучымо нерген каласкаленыт. Йоча- влаклан путырак келшен. Моло мероприятийын расписанийыштым сообществын «ВКонтакте» вотышто пален налаш лиеш.
             Йошкар-Ола администрацийын фотожо.