Йошкар-Олаште у электробус тест-драйвым эрта

          Йошкар-Олаште илыше калык тачысе кече гыч у электробусым аклен кертеш. Посна автономно коштшо «Адмирал»  троллейбус  Йошкар-Олаш тест-драйвыш толын. Таче тудо оласе маршрутлаш лектын да могай уремлаште электрический контакт сеть уке тушто тергымашым эрта. Кок арня жапыште тушто оласе калык оксам тӱлыде коштын кертеш. «Адмирал» 1-ше, 2-шо, 5-ше, 8-ше, 11-ше оласе троллейбус маршрутла дене кошташ тӱҥалеш. Тиде жапыште «Троллейбус транспорт» предприятийын специалистше- влак тудын качествыжым тергат. «Адмирал» троллейбус динамический зарядкан электробуслан шотлалтеш. Тудын батарейже контакт сеть деч посна 30 меҥгыш кошташ сита. Тиде троллейбусым Энгельс олаште ямдылыме. Олан мэрийже троллейбус транспортын составшым уэмдаш кӱлеш манеш. Кызыт троллейбус- влак кокла шот дене 30 ияш улыт. Ныл ий ончыч Моско гыч кучылтмо 32 троллейбусым кондымо ыле, 2021-ше ийыште йӧршын у 10 машинам налме, тенийлан визыт деч шагал огыл у троллейбусым налаш палемдыме.