Правительствыште республикын кеҥежымсе пожар лӱдыкшӧ жаплан ямде улмо йодышым каҥашеныт

            Правительствыште республикын кеҥежымсе пожар лӱдыкшӧ жаплан ямде улмо йодышым каҥашеныт. Правительстве вуйлатышын алмаштышыже Степан Воронцовын каласкалымыже почеш, тул  пижме лӱдыкшӧ тургымлан технике ден вийын ямде улмыжым тергыме, пожар техникым олмыктымо, ял кундемлаште да чодыра воктене минерал полоса- влакым уэмдыме, калык дене профилактике паша шукталтеш. Автопаркым 14 технике единицылан ешарыме. Марий Элым вуйлатышын сомылжым шуктышо Юрий Зайцев лӱдыкшӧ тургымлан посна режимым ышташ, профилактике пашам вияҥдаш да кугу чодыра пожар марте шукташ огыл манын палемден.
             Фото: Марий Элым вуйлатышын организаций да аналитик виктемже.