Медицина вузлаште республикылан 87 целевой верым ойырымо

           Республикысе выпускник- влак медицина вузлашке 87 целевой верыш тунемаш пурен кертыт. Тазалык аралтыш министерстве Российысе вузла дене лӱмын туныктымо шотышто ойпидыш- влакым кылда. Тений республикылан 87 верым пуымо. Тушечын 43-шым Марий университет пуа. Ойпидышым «Лечебное дело», «Педиатрий», «Медико- профилактик паша», «Стоматологий», «Медицинысе биохимий» специальностьла дене ыштыме. «Лечебное дело» дене 55 вер, «Педиатрий» дене- 25, «Медико-профилактик паша» дене-  2, «Стоматологий» дене- 4, «Медицинысе биохимий» дене ик вер ойыралтын. Абитуриент- влакым Ижескысе, Чувашийысе, Кировысо, Озаҥысе да Йошкар-Оласе вузлаште вучат.

Прошлые выпуски