Республикым вуйлатышын сомылжым шуктышо Волжск олам йыр савырнен кайыме корно дене куштылго автомобиль- влаклан кошташ йӧным ышташ кӱштен

             Республикым вуйлатышын сомылжым шуктышо Юрий Зайцев Волжск олам йыр савырнен кайыме корно дене куштылго автомобиль- влаклан кошташ йӧным ышташ кӱштен. Тудо палемден: А-295 Йошкар-Ола- Зеленодольск федерал корным петырымаш- ӧкым мера. Молан манаш гын корнысо кӱвар аварийный улеш. Мутат уке, кӱвар сӱмырлымӧ марте шуктыман огыл, но тидын годымак олмыктымо паша корнышто шуко машинам чарен шогалтышаш огыл. Сандене келшыше йӧным муын, корным почаш кӱлеш. Тиде корно дене калык пашаш кая, мӧҥгӧ пӧртылеш. Транспорт да корно озанлык министр Александр Герасименко увертарен: кызыт аварийный ужаш деке кӱвар йымаке  вераҥдышаш сборный опорым шупшыктат. Нуным чумырен погымеке июнь кыдал гыч легковой машина- влаклан корным почаш лиеш. А грузовой машина- влак М-7 «Волга» корно дене коштын кертыт. Кызыт тыгак жаплан автомобиль корным ышташ проект ямдылалтеш.  Корным лишыл жапыште пышташ шонена, -каласен Александр Герасименко. Юрий Зайцев 15-ше июньлан машинам колташ мо лиймым чыла ышташ кӱштен. Кызыт Марий Элыште, Татарстаныште, Чувашийыште корно пале ден увер щитым вераҥдыме. Нуно грузовой транспортым М-7 федерал корныш виктарен колтат.
            Фото: Марий Элым вуйлатышын организаций да аналитик виктемже.