Юрий Зайцев: социал контаркт нерген калыклан каласкалаш кӱлеш

           Марий Элым вуйлатышын сомылжым шуктышо Юрий Зайцев ушештарен: социал контаркт нерген калыклан каласкалаш кӱлеш. Тений окса шотышто нелылыкыш логалше тӱжемат 259 еш социал контарктым пеҥгыдемден. Калыклан социал полышым пуышо рӱдер дене ойпидышым кылдыше 428 еҥлан тиде пашам муаш полша, эше 371 еҥ шке пашажым тӱҥал кертеш, Социал контракт негызеш кугыжаныш полышым налаш шонышо 200 наре еҥ шке озанлыкшым виктараш оксам кучылт кертеш. Тидын нерген Юрий Зайцевлан арня еда эртарыме оперативный совещанийыште Правительстве председательын алмаштышыже Ольга Фёдорова увертарен. Социал контракт калыклан полышым пуышо чын мера. Моштен кучылтмо годым тудо сай лектышым пуа. Но еҥ- влак эше тудын йӧнжым тичмаш огыт пале. Сандене нунылан каласкалаш да умылтараш кӱлеш,- каласен Юрий Зайцев. Тиде мерылан кӧра еҥ- влак нелылыкым сеҥен, шке материальный положенийыштым саемден кертыт.
             Фото: Марий Элым вуйлатышын организаций да аналитик виктемже.