Лӱмлӧ шанчыеҥым огыт мондо

           Йошкар-Олаште Ксенофонт Сануков лӱмеш мемориал оҥам почмо. Теҥгече Республикыште университет шинчымашым пуаш тӱҥалмылан 50 ий теммым палемдыме кышкарыште пале событий лийын- Российысе кӱшыл школын сулло пашаеҥже, Йошкар-Олан Почётан гражданинже, историй науко доктор, Марий университетын отечественный историй кафедрыжын профессоржо Ксенофонт Никанорович Сануковлан шарнымашан оҥам почмо. Церемонийын почётан унаже семын Правительстве председательын икымше алмаштышыже Михаил Васютин, МарГУ-н ректоржо Михаил Швецов, ола администрацийын, историй да филологий факультетын преподавательже- влак лийыныт. 
        Марий университетын фотожо.