Марий Элым вуйлатышын сомылжым шуктышо пожар да утарыше технике деч сравочым кучыктен

           Марий Элым вуйлатышын сомылжым шуктышо пожар да утарыше технике деч сравочым кучыктен. Теҥгече тудо Йошкар-Олаште нылымше номеран пожар да утарыше частьыш миен да 13 у технике деч сравочым пуэн. Юрий Зайцев у автомобиль- влакым ончен лектын да палемден: тений тул пижме шотышто ситуаций палынак саемын, но тӱткышым лушкыдемдаш ок лий, профилактике мероприятий- влакым эртарен шогыман. Тыгак тудо пожар охранын ветеранже- влакын аллейыштышт пушеҥгым шындымашке ушнен. Тиддеч посна тудо Медведево район кумдыкым юж гыч ончен савырнен да кодшо ийын чодыра пожарын кондымо эҥгекшым аклен. Правительстве председательын алмаштышыже Степан Воронцов ушештарен: чодыра ныл тӱжемат 530 гектар кумдыкышто йӱлен. Тений кум тӱжемат 315 гектарешыже пушеҥгым шындыме лиеш.
             Фото: Марий Элым вуйлатышын организаций да аналитик виктемже.