Константин Иванов: «Республикыштына «Тӱвыра» калыкле проектым шыҥдарымаште лӱдыкшӧ да ордыжкӧ кораҥмаш уке…»

           Республикыштына «Тӱвыра» калыкле проектым шыҥдарымаште лӱдыкшӧ да ордыжкӧ кораҥмаш уке, - увертарен тӱвыра министр Константин Иванов коллегийын ӧрдыжтӧ эртарыме совещанийыштыже. «Тӱвыра кумдык», «Уста еҥ- влак» да «Цифран культура» регионысо проект- влакым илышыш шыҥдарымым лончылымаш проектын цельышкыже шумым ончыкта, ӧрдыжкӧ кораҥмаш уке, увер да тӱвыра илышлан проект- влакын сай полышым пуымыштым ончыкта,- каласен министр. Кызыт Медведево ден У Торъял районлаште тӱвыра тӧнеж- влакым капитально олмыктымо, пужен ыштыме сомыл шукталтеш, Козьмодемьянск олаште Андрей Эшпай лӱмеш йоча сымыктыш школ капитально олмыкталтеш. Ешартыш шинчымашым пуышо ныл тӧнгежлан семӱзгарым, оборудованийым, тунемме материалым налаш палемдыме. Курык марий, Звенигово, Марий Турек, Морко, У Торъял, Шернур районлашке автоклуб- влак толшаш улыт. Калыкле сӱрет галерейыште мультимедиа гид лийшаш, Оршанке ден Советский районлаште модельный книгагудо почылтшаш, Волжск оласе «Звёздный» тӱвыра да каныш рӱдерыште виртуал концерт зал почыцлтшаш.
            Фото: Тӱвыра министерстве.