Социал пашаеҥ- влакын кечыштым палемдыме

          Марий Элым вуйлатышын сомылым шуктышо социал пашаеҥ- влаклан тауштен ойлен. Теҥгече Эрик Сапаев лӱмеш опера да балет театрыште социал пашаеҥын кечыжлан пӧлеклалтше торжественный мероприятий эртен. Тушто социал сфере нерген фильмым ончыктымо да Юрий Зацев погынышо калыклан пайрем шомакым ойлен. Татьяна Васильевна Константинован историйже нерген каласкален. Тудо Кугу Ачамланде сарыште лийше ӱдырымашым да тудын инвалид эргыжым ончен. Изи гычак параличан пӧръеҥ коштын кертын огыл. Татьяна Константинова огыл гын, аваже колымеке, йӧршын шкетын кодын кертеш ыле. Тиде историй- порылыкын примерже. Те тыгай пашам кажне кечын ыштеда. Тыгай чонан улмыланда таум каласыме шуэш,- ешарен Юрий Зайцев. Мучашлан тудо социал пашаеҥ- влаклан сулен налме наградым кучыктен. Оршанке районысо калыкым обслуживатлыше комплексный рӱдер гыч Валентина Долгова «Республикысе калыкым социал велым аралыше сулло пашаеҥ» Чап лӱман лийын. Эше 14 еҥлан республикым вуйлатышын тауштымашыжым увертарыме.
             Фото: Марий Элым вуйлатышын организаций да аналитик виктемже.