Пектубай села марте газпучым чоҥаш тӱналме

            Пектубай села марте газпучым чоҥаш тӱналме. «Газпром газораспределение Йошкар-Ола» предприятийын специалистше- влак У Торъял районысо Пектубай села деке 17 меҥге кужытан гапучым шупшаш тӱҥалыныт. Тудым «2021-ше- 2025-ше ийлаште республикыште газым ситарымышым да газификацийым вияҥдыме программе» почеш чоҥат. Селашке газым пурташлан эше 9 меҥге кужытан посёлко кӧргысӧ пучым пыштыман. Тиде паша 332 пӧрт ден пачерыш, селасе котельныйышт газым пуаш йӧным ышта. Тымарте 70 суртышто кӧргӧ сетьым да газ оборудованийым шындыме. Пашам тений кумшо кварталыште мучашлаш палемдыме. Тунам Кремлёнко, Шерешнур, Васлисола, Эҥерӱмбал,  Кӱан Памаш, Изи да Кугу Вӱръялыш пучым шупшаш йӧн лектеш.- увертара «Газпром газораспределение Йошкар-Олан» исполнительный директоржын алмаштышыже Игорь Ганичев.
      Фото: «Газпром газораспределение Йошкар-Ола».