Российын талукысо пушеҥгыже лӱмым Пугачёвын Тумыжо налын кертеш
Российын талукысо пушеҥгыже лӱмым Пугачёвын Тумыжо налын кертеш. Элысе тӱҥ пушеҥгылан йӱклымаш «Пушеҥге- илыше пӱртӱсын памятникше» Российысе программын сайтыштыже эрта. Ушнышо пушеҥге- влакын спискыштым программын сертификаций комиссийже пеҥгыдемден. 60 номинант коклаште Марий Эл гыч Пугачёвын тумыжо уло. Тудо 422 ияш, 31 метр кӱкшытан, кӱжгытшӧ ик метрат 30 сантиметран. Тумо Волжский районысо «Марий Чодыра» калыкле парк кундемыште «Ваштар курык» санаторий кундемыште верланен. «Талукын российысе пушеҥгыже» конкурс идалык еда эртаралтеш. Йӱклымаш икымше августышто мучашлалтеш.