Красногорский посёлкын ик рӱдӧ уремжым олмыкташ задачым шындыме
Республикым вуйлатышын сомылжым шуктышо Звенигово районысо Красногорский посёлкын ик рӱдӧ уремжым олмыкташ задачым шынден. Посёлкыш пурымо Гагарин уремым олмыкташ шым миллионат 500 тӱжем теҥгем колтымо лиеш,- каласен Юрий Зайцев. Тудо социал вотлаште верысе калыкын тиде корно шотышто вуйшиймашыжым ужын. Нуно ончалаш да мерым ышташ ӱжыныт. Район администрацийым вуйлатыше Владимир Геронтьевын мутшо почеш тений корно фонд Кожласолаште Госпитальный да Элмар уремлам олмыкташ кум миллион утла теҥгем ойырен.
Юрий Зайцев тыгак тошто пӧртла гыч калыкым кусараш шуко пачеран пӧртым чоҥымо верыштат лийын. Юрий Зайцев ден Владимир Геронтьев районым социал-экономик велым вияҥдыме, туныктымо, тӱвыра, экологий тӧнеж- влакым чоҥымо йодышым каҥашеныт. Районым вуйлатыше Звенигово олаште Юл серым пеҥгыдемдаш, Кужмараште йоча садым, Шолеҥерыште тӱвыра пӧртым чоҥаш кӱлеш манын, моло пӱсын шогышо йодышымат тарватен. Республикым вуйлатышын сомылжым шуктышо чоҥышаш объект- влакын проект да смете документацийыштым ямдылаш кӱштен да все гана толмо годым посна тӱткышым йодшо кумдык- влакым ончен лекташ сӧрен.
Фото: Марий Элым вуйлатышын организаций да аналитик виктемже.
Юрий Зайцев тыгак тошто пӧртла гыч калыкым кусараш шуко пачеран пӧртым чоҥымо верыштат лийын. Юрий Зайцев ден Владимир Геронтьев районым социал-экономик велым вияҥдыме, туныктымо, тӱвыра, экологий тӧнеж- влакым чоҥымо йодышым каҥашеныт. Районым вуйлатыше Звенигово олаште Юл серым пеҥгыдемдаш, Кужмараште йоча садым, Шолеҥерыште тӱвыра пӧртым чоҥаш кӱлеш манын, моло пӱсын шогышо йодышымат тарватен. Республикым вуйлатышын сомылжым шуктышо чоҥышаш объект- влакын проект да смете документацийыштым ямдылаш кӱштен да все гана толмо годым посна тӱткышым йодшо кумдык- влакым ончен лекташ сӧрен.
Фото: Марий Элым вуйлатышын организаций да аналитик виктемже.