Республикыштына пенсийын кокла кугытшо ешаралтын

           Республикыштына пенсийын кокла кугытшо индексаций деч вара 16 тӱжемат 577 теҥге лийын. Пенсий фонд пашам ыштыдыме пенсионер- влаклан икымше июнь гыч 10 процентлан кугемдыме пенсийым тӱлаш тӱҥалын. Индексаций автоматически ышталтын. Икымше июнь гыч Пенсий фондын тӱлымӧ чыла пенсий индексироватлалтын: страховой да кугыжаныш, социал пенсий. Пенсий фонд пӧлкан уверже почеш индексаций пашам ыштыдыме 27 тӱжем пенсионерым авалтен. Нунын пенсийышт кокла шот дене тӱжемат 300 теҥгелан ешаралтын. Кугемдыме деч вара пенсий кокла шот дене 16 тӱжемат 577 теҥге марте кугемын.