Самырык еҥ- влак ик эн тӱҥ документым кидышкышт налыныт

           Российын кечынже Марий Элым вуйлатышын сомылжым шуктышо Россий Федерацийын самырык гражданже- влаклан паспортым кучыктен. Тиде церемоний Ленин лӱмеш площадьыште торжественный мероприятий кышкарыште эртен. Российын Кугыжаныш тистыжым нӧлталме деч вара Юрий Зайцев республикысе калыкым кӱлешан пайрем дене саламлен. Самырык еҥ- влак: Дмитрий Изергин, Софья Майорова, Владимир Потехин, Ирина Суворова, Ксения Ухова ден Артём Шемуранов республикым вуйлатышын кидше гыч илышыште эн кӱлешан документым налыныт. Нуно Россий Федерацийын гражданинже лӱмым кугешнен да достойно нумалаш, граждан обязанностьым чын шукташ, Элна верч тунемаш да пашам ышташ товатлен ойленыт. Поро сугынь мутым тыгак Кугыжаныш Погыным вуйлатыше Анатолий Смирнов, Кугыжаныш Думын депутатше Сергей Казанков, Йошкар-Олан мэрже Евгений Маслов да молат ойленыт.
             Фото: Марий Элым вуйлатышын организаций да аналитик виктемже.