Марий Элым вуйлатышын сомылжым шуктышо Петербургысо 25-ше Тӱнямбал экономик форумышто участвоватла

            Марий Элым вуйлатышын сомылжым шуктышо  Петербургысо 25-ше Тӱнямбал экономик форумышто участвоватла. Тудо таче почылтын да 18-ше июнь марте шуйна. Юрий Зайцев икмыняр пашаче  вашлиймашым эртара. Тыгак Российын чоҥымаш министрже Ирек Файзуллин, «Газпром газификация» ушемын генеральный директоржо Сергей Густов дене вашлиеш, икмыняр кӱлешан соглашенийым пеҥгыдемда. Нуно республикыште торгово-экономик, шанче-техник, тӱвыра, турист да моло отрсльым вияҥдаш Российысе регионла да коммерций структуро дене вашкылым пеҥгыдемдымашке виктаралтыт. Юрий Зайцев тыгак пленарный заседанийыште лиеш да марий землячестве дене вашлиеш. Тачысе кечылан Ленинград областьыште да Санкт Петербургышто кум тӱжем наре марий ила. Чыла мероприятиш чолган 200 наре еҥже коштеш. Нунын тӱҥалмышт почеш Марий Эл Правительствын, тӱвыра да спорт министерстве- влакын, марий тӱвыра рӱдерын полшымышт дене 2020-шо ийын Санкт-Петербургышто Пискарёвысо шӱгарлаште Марий Элыште шочшо, блокадан Ленинградым аралыше салтак- влакым шарныктыше  плитам торжественно почмо. Петербургысо Тӱнямбал экономик форум ик эн кугу да кӱлешан событийлан шотлалтеш. Тудо 1997-ше ий годсек кажне ийын эртаралтеш
             Фото: Марий Элым вуйлатышын организаций да аналитик виктемже.