Федераций Советыште республикын представительже Сергей Мартынов «Акашево» сурт-кайык фабрикышке миен

           Марий Элыш паша визит дене толмыжо годым Федераций Советыште республикын представительже Сергей Мартынов «Акашево» сурт-кайык фабрикышке миен. Регионыштына тиде чыве шыл гыч продукцийым ыштен лукшо ик эн кугу предприятий. Ончыл технологийым кучылтмаш да ончыко ончен моштымаш тудлан ӱшанлын вияҥаш полша. Сенатор дене пырля производствым сенторын полышкалышыже Владимир Кожанов, Советский район администрацийым вуйлатыше Анатолий Глазырин онченыт. Сурт кайык фабрикын пашаже нерген тудын исполнительный директоржо Денис Гузев каласкален. Фабрикын продукцийжым да республикым 42 регионышто сайын палат. Тудо талукышто 148 миллион штук муным налеш, 112 миллион чывым идалыкыште ончен-кушта. Шкенжын инкубаторжо уло, 2024-ше ий гычын инкубаторлан муным йот эл гыч налаш огыт тӱҥал. Производствын отходшымат пайдаш савырат, ӱяҥдышым ужалат. Холдинг градообразующий предприятий улеш. Тушто вич тӱжем еҥ пашам ышта.
Фото: Марий Эл Кугыжаныш Погын. https://smotrim.ru/article