Йошкар-Олаште Киров уремым тӧрлат

         Йошкар-Олаште Киров уремым тӧрлат. Паша «Качестван лӱдыкшыдымӧ корно» калыкле проект кышкарыште шукталтеш. Подрядчик- влак корно гыч тошто асфальтым кораҥдат. Ленин проспект деч тӱҥалын Мир урем марте ик меҥгат 400 метр кужытышто паша шукталтеш. Тиде корно олмыктымо программыш норматив марте шуктымо амал дене гына огыл пурталтын, тыгак олам ончыкыжым вияҥдыме амалымат шотыш налме. Ончыкыжым Театральный микрорайонышто тошто пӧрт- влак олмышто 57 тӱжем квадрат метр наре кумдыкышто шуко пачашан пӧрт- влак лийшаш улыт. Тошто пӧртла гыч калыкым кусарышаш улыт. Шушаш ийын калыкын ойырен налмыже почеш, Киров уремын нечётный могырыштыжо тротуарым тӧрлат да велокорным ыштат. А тиде пашаже «Оласе йӧнан кумдыкым ыштымаш» федерал проект кышкарыште шукталтшаш.
          Йошкар-Ола мэрийын фотожо, МариМедиа.