«Мариэнергон» пашаеҥже кира спорт дене сеҥышыш лектын

          «Мариэнергон» пашаеҥже кира спорт дене сеҥышыш лектын. «Россети Центр и Приволжье» ПАО-н «Мариэнерго» филиалжын пашаеҥже Александр Гордеев Угарман областьысе Бор ола округшын кира спорт дене виш турнирыштыже икымше верым сеҥен налын. Витле кок ияш энергетик «кирам нӧлтымаш» дисциплиныште сеҥен. Тудо 127 участник коклаште 20 килограмман кирам 12 минут жапыште 337 гана нӧлталын да эн сай лектышым ончыктен. Турнирыште шым регионын еҥышт лийыныт. Тиде- Иваново, Владимир, Угарман, Моско, Киров областьлан, Чуваший ден Марий Элын спортсменышт. Александр Гордеев «Мариэнергошто» 14 ий пашам ышта. Тудо кажне таҥасымашыште шке энергокомпанийжын чапшым арала да сеҥышыш лектеш.
           «Мариэнерго-н» фотожо. «Марийская правда» газет.