Республикыштына марий йылме дене миссионер юмылтымаш- влак эртат

            Республикыштына марий йылме дене миссионер юмылтымаш- влак эртат. Кеҥежым Йошкар-Ола епархий марий йылмые дене миссионер юмылтымашым верлашке лектын эртара. Мутлан, эрла 18-ше июньышто Медведево районысо Сидорово ялыште чоҥалтше храмыште литургий, «Илыш памаш» ансамбльын юмын мурым мурымо концертше лиеш. Йошкар-Оласе  Рождество Христово храм деч 7 шагатат 30 минутлан автобус кая. 25-ше июньышто Медведево районысо Кыдыл Озакъялыше палаткан храмыште литургий эрта. Тиде кечынак  Оршанке районысо Изи Кугунурышто литургий, ырес ден ошкылмаш, марий йылме дене концерт лиеш. 27-ше июньышто Килемар районысо Алатайсолаште литургийым, ырес дене ошкылмашым да курыкмарий йылме дене концертым эртараш палемдыме. Июльыште Пекшиксола ден Эсмекплакыште марла юмылтат, Августышто Алексеевский посёлко ден Юльъялыш мият. Юмылтымаш 8 шагатлан тӱҥалеш. Кажне ялыште юмылан ӱшаныше- влаклан кочкаш йӧным ыштат.
            Фото: Йошкар-Ола епрахйын сайтше гыч. МариМедиа.