Йошкар-Оласе йоча садлаште вер ситыдымаш ок лий
Йошкар-Оласе йоча садлаште вер ситыдымаш ок лий. Кок ияш йоча- влаклан йоча сад группылам чумырат. Тачысе кечылан 700 утла путёвкым пуымо. Тиде корно дене паша чыла верым айлын пытарымешке шукталтеш. Рӱдӧ олаштына 69 йоча сад пашам ышта. тушко 16 тӱжемат 500 ньога коштеш. Пытартыш ийлаште олаште 9 у йоча садым почмо. Сандене кум ияш йоча- влаклан верым тичмаш ситарыме. Тиддеч посна кок ияш йоча- влаклан чыла гаяк йоча садыште группым почаш йӧн лектын. Кызыт шушаш тунемме ийлан йоча садлашке йоча- влакым шеледат. Кум ияш- влаклан тӱжемат 400 путёвкым пуымо, кок ияш- влаклан сентябрь гыч 100 утла группо почылтеш. Кызыт нуным комплектоватлыме паша кая.